kummt senf druff?!
Ich will jo nix saa, awwer nach de ledschde Sprich vum Bayern-Ulli hodd sich mer widder de Kamm geschdelld. Uff guud pälzisch iwwersetzt saad nämlich der Schnawwel-Kickboxer: Beim DFB schaffen nur Schloofkäpp, Dabesse unn Schnarchtasse. Un iwwerhaupd: E Trainingssschbiel zwische Bayern A unn Bayern B wär meischdens besser als e Bundesliga-Schbiel. Dess ganze iss noohzulese im "Playboy", obwohl do die Textseide eh meischdens iwwerblädderd werrn. Ehr wissen schunn, dess Sabber-Hefdsche, wo alle Naggische denooh saahn, dass die Fotos jo so aahrisch ästhetisch sinn. Na alla, do kammer jetzt driwwer denke wie mer will: Awwer zwische denne ganze Titte bassd dem Hoeneß sei Interview wie die Hand uff die Brusch, ähh, wie die Fauschd uffs Aag wolld ich saa. Zwische all denne schääne Fraue kammer sich dann wenigschdens widder e bißche abkühle. Unn jeder Mann hodd die Gewissheid: Du musch ned schää sei, um in de "Playboy" se kumme. E paar dumme Schbrich unn e guuder Job langen aach...
Was ganz anneres: Deledschd hann iwwer hunnerd Schiris gesammelt unn ihr Einsatzprämie zammegeleed, um arme Kinner in mexiko unn Indie se helfe. Unser Markus Merk verbringt jo seid Johre sei Urlaub in Indie, um die vunn ihm ins Lewe gerufene Projekte vor Ort se iwwerwache. Do werrn Schule un Kinnergärde gebaut unn somit viele junge Menschedie Hoffnung uff e Zukunft gebb. Aach dodevor hann die ganze Schiedsrischder geschbend. Zwische denne ganze Diskussione um wahnsinnige Ablösesumme, Fernsehgelder unn dem ganze Schamass geh'n solche klääne Geschichde ofd e bißche unner. Schade eigendlich. unn schade, dass sich nedd aach mol die Herre Profis ehr Siegprämie vunn ähm Wocheend nemme unn zusamme ferr e guuder Zweck schbende. Die Schiris kännen Eich do beschdimmd e paar gude Adresse gewwe.
Großes plant de Betze jo im Momend uffem Fröhnerhof bei Mehlinge. Wenn alles klappt, sinn im Summer die erschde Bagger debei, drei Trainingsplätz, e Kunschdraaseplatz un e großie Kabin vorsebereide. Immer widder heerd merr, dass do kää Stacheldrahd drummrum soll, sondern die Kinner widder Spaß am Fußball krieh solle unn deswege dess neie Zentrum e Begegnungsschdädd werre soll. Ich hoff werklich, dass dess klappt. Unn vielleicht kummen jo widder die Zeide, wo sich Kinner zu Weihnachte e Fußball wünsche un kää Computer. Schließlich sinn Schlaaghose aach irgendwann mol widder modern geworr...!
Eier Brodworschd-Schorsch
("play" vom Spiel gegen Bayer Leverkusen am 3.4.99)
Ich will jo nix saa, awwer nach de ledschde Sprich vum Bayern-Ulli hodd sich mer widder de Kamm geschdelld. Uff guud pälzisch iwwersetzt saad nämlich der Schnawwel-Kickboxer: Beim DFB schaffen nur Schloofkäpp, Dabesse unn Schnarchtasse. Un iwwerhaupd: E Trainingssschbiel zwische Bayern A unn Bayern B wär meischdens besser als e Bundesliga-Schbiel. Dess ganze iss noohzulese im "Playboy", obwohl do die Textseide eh meischdens iwwerblädderd werrn. Ehr wissen schunn, dess Sabber-Hefdsche, wo alle Naggische denooh saahn, dass die Fotos jo so aahrisch ästhetisch sinn. Na alla, do kammer jetzt driwwer denke wie mer will: Awwer zwische denne ganze Titte bassd dem Hoeneß sei Interview wie die Hand uff die Brusch, ähh, wie die Fauschd uffs Aag wolld ich saa. Zwische all denne schääne Fraue kammer sich dann wenigschdens widder e bißche abkühle. Unn jeder Mann hodd die Gewissheid: Du musch ned schää sei, um in de "Playboy" se kumme. E paar dumme Schbrich unn e guuder Job langen aach...
Was ganz anneres: Deledschd hann iwwer hunnerd Schiris gesammelt unn ihr Einsatzprämie zammegeleed, um arme Kinner in mexiko unn Indie se helfe. Unser Markus Merk verbringt jo seid Johre sei Urlaub in Indie, um die vunn ihm ins Lewe gerufene Projekte vor Ort se iwwerwache. Do werrn Schule un Kinnergärde gebaut unn somit viele junge Menschedie Hoffnung uff e Zukunft gebb. Aach dodevor hann die ganze Schiedsrischder geschbend. Zwische denne ganze Diskussione um wahnsinnige Ablösesumme, Fernsehgelder unn dem ganze Schamass geh'n solche klääne Geschichde ofd e bißche unner. Schade eigendlich. unn schade, dass sich nedd aach mol die Herre Profis ehr Siegprämie vunn ähm Wocheend nemme unn zusamme ferr e guuder Zweck schbende. Die Schiris kännen Eich do beschdimmd e paar gude Adresse gewwe.
Großes plant de Betze jo im Momend uffem Fröhnerhof bei Mehlinge. Wenn alles klappt, sinn im Summer die erschde Bagger debei, drei Trainingsplätz, e Kunschdraaseplatz un e großie Kabin vorsebereide. Immer widder heerd merr, dass do kää Stacheldrahd drummrum soll, sondern die Kinner widder Spaß am Fußball krieh solle unn deswege dess neie Zentrum e Begegnungsschdädd werre soll. Ich hoff werklich, dass dess klappt. Unn vielleicht kummen jo widder die Zeide, wo sich Kinner zu Weihnachte e Fußball wünsche un kää Computer. Schließlich sinn Schlaaghose aach irgendwann mol widder modern geworr...!
Eier Brodworschd-Schorsch
("play" vom Spiel gegen Bayer Leverkusen am 3.4.99)