Saumagen oder Handkäs mit Musik?

[Ramser Wildsau]

Jetzt kumm mer kenner mit Spargel oder Rehbohforell, die Krone der pälzer kulinarischen Köstlichkeit wird zwischen denne zwee ausgemacht...

 

[schnokes]

Saumagen (aber am liebsten doch die komplette Schlachtplatte

) ...



... und zum Nachtisch Handkäs mit Musik

- aber die komplette Blaskapelle bitte!

 

[palatino1]

Do kann sich kän rischdischer Pälzer endscheide. Alle zwä Sache geheeeren dezu.



Des iss jo, wie wemmer froche deed, ob mer besser de Pälzerwald abholze solld odder die Woirewe rausreiße.



Im iwwrische fehlen bei der Uffzeehlung noch Dambnudle mid Woisoos und Fläääschknebb mid Meerreddisch.

 

[Ramser Wildsau]

Hm, verdammt, jetzert hab ich Hunger uf Dambnudele...

Grad weils halt die Epitome vun der pelzer Kich sin, muss es zu ner Entscheidung kumme. Bin emo geschbannd.

 

[schnokes]

Schdell soford die Umfroog oi!



Kenn eenzische Teilnehmer im Forum - all sinn se beim Esse! Ja gibts dann so was?





Unn was do noch alles fehlt!?:



- Grumbeersubb mit Quedschekuche



- Worschdsubb mit Griebe



- Lebberkneedel mit Kraut



- Brotworschd (mit un ohne Brod)



- Grumbeere mit Rindfääsch un Meerreddisch



- Grumbeere un Weiße Kees



- Pannekuche mit Schbargle



- Budderbrod mit Latwersch





un... un... un!



'sch muss jedzd ford!



Mahlzeid!

 

[palatino1]

Also Epitome sinn die annere zwä aa, denn en Abriss iwwer die Pälzer Kisch iss zumindeschd ohne Dambnudle ned denkbar.



Awwer isch kann misch midd doiner Auswaahl abfinne, wenn isch de Saumache als pars pro toto nemme derf. Denn ubeschdreidbar schbield die Wutz in de Pälzer Kisch e greeßeri Roll als de Kees. Desewesche gebb isch m Saumache moi Schdimm, awwer unner Vorbehald.



Mer solld uff de anner Seid dem Saumache a ned bis in alle Ewischkeid nootrache, dass de digge Oggerschemmer en gern gesse hod. Dovor kann die arm Wutz jo nix.

 

[Ramser Wildsau]

Wahrlich, wahrlich, do gehts rund. De Schnokes hod schun recht wann er saht, dass es do noch einisches mehr gebt, z.B. a noch Metzelsubb.

Wobei ich die Subberdelikatess iwwersieh hab;

Grumbeersubb mit Quedschekuche!!!

Ach, was gäb ich defor... (Träum).

Meinetweh, mit oder ohne Grumbeersubb bzw. Quetschekuche...

Ich ernähr mich allerdings ned vun Wutze un anere Viecher, vun doher wähl ich de Handkäs!

 

[Guest]

Ich bin zwar kene Pälzer, awwer ich kann mir Handkäs einlegen...schmecke tut dä läcker, awwer kann Käs werklech met Saumage kunkuriere...em Leven nett!

 

[Ramser Wildsau]

Ich bin zwar kene Pälzer...

Lol, mer heerds. Un leests.

 

[Guest]

Lol, mer heerds. Un leests.

Dabei hab ich mich wirklich bemüht....

 

[Jonny]

...Bahnhof...

 

[palatino1]

Basse mol uff roder Riese. Des folgende Lied lernschd emol schä ausewennisch. Dann hosch zumindeschd s Pälzer Vordiplom:



Ich bin en echte Pälzer Bu



Ich bin en echte Pälzer Bu,

de stärkscht vun unsre Gass,

hei, wer die Pälzer Buwe kennt,

des is e edli Rass'

kä Schlippche un kä Krache, nä,

des is uns viel zu dumm,

mer fliechen jo de ganze Daach

im Chauseegrawe rum.



Refrain

Horch do mol hie,

des klingt ganz pälzerisch,

hollahiaho!

Voller Witz un voller Schneid,

so babbeln do die Leit.

Vor so 're Ausdrucksweis

hot jedermann Reschbekt.

Des is un bleibt

de unverfälschte Pälzer Dialekt.



Un wann zwää Pälzer Hännel

hen, des is e wohri Frääd,

en Fremder, wu voriwwergeht,

vergeßt's sei Lebdag net.

Die Werter, wu do fliechen riwwer

un niwwer iwwer de Disch,

die stehn noch in käm Lexikon,

die sin jo noch ganz frisch.



Refrain

Horch do mol hie ...



Ei Du Bangert, ei, Du scheeler,

ei, Du Rindvieh, Du Kamel,

ei, was bischde dann fer äner, ei,

was gugschte dann so scheel?

Du hoscht jo in dem Lewe noch

kä Kannelwasser g'soff,

wann ich dich am Schlawidsche

nemm, dann saufschte's awwer doch!



Refrain

Horch do mol hie ...

 

[Guest]

Also isch nemm de Handkees. Beim Saumache dred sich nämlisch mein Mache um. Viel liewer ess isch awwer Krumbeersubb mit Abbelbrei, awwer des steht jo net zur Abschdimmung.

 

[Guest]

Hei...ich wollte hier nur mitreden, und mir nicht die Zunge brechen!

 

[Jonny]

Hessenteufel wird Luftsprünge machen, wenn sie diesen Thread "liest"

 

[palatino1]

Warum? Isst die gerne Saumagen?

 

[Guest]

Ne...aber die kommt aus Hessen.

 

[palatino1]

Irgendeinen Fehler hat jeder.

 

[Guest]

Irgendeinen Fehler hat jeder.

HT hast du das gesehen?



Der kennt dich.

 

[schnokes]

Zum Wohl ... die Palz!

 

[Teufelsanbeterin]

Ach du armi Ramser Wildsau! Hasche Heimweh? Gehn der die bairische Weißwerscht uff de Sack? Wammer schun uff die Idee kummt, in eneme Fußball-Forum vum Esse se fandasiere, musses jo schlimm soi!



Isch will kän Handkäs und kän Saumache, awwer Kardoffelsupp mit Quetschekuche, dodefor dät isch aach moi Stimm abgewwe!

 

[Ramser Wildsau]

Samschdach, Sunndach war isch jo in de Palz. War mer Middagesse gang, schdand uf de Speisekard, dass es Handkäs bloß ohmends gebd. Des hod misch geäijerd, ich kann der sah. Bei Geschbräsche han ich dann feschdgeschdelld, das der gude Handkäs manche Leid gar net so schmeckt. (!) Un umgekehrt, kannsche misch mit Saumah jah. Deshalb mussd isch emol mei Pälzer Midpohschder befro, wie die so dengen dodriwwer...

Und hier is doch s "Alles außer FCK Forum". Ich wolld jo kä Rezebde austausche...

 

[palatino1]

Handkees blos owends is werklisch en Skandaal.

 

[schnokes]

SKANDAL!!!

 

[Guest]

Na ich bin ja wenigstens noch...



Rheinland-



PFÄLZER....



Und nicht aus dem feindlichen Ausland wo die Stricher herkommen....

 

[schnokes]

@ramser



Do muschd emol in de (Vorre)palz in e schääni Schdraußwerdschaft geh!



Also isch kenn do e paar - du kriehschd 25 Schdunn am Dach alles was die Kaad hergebt!



Odder wies de anner gsung hot: "Isch kenn e scheenie, kleenie Pälzer Woiwertschaft, do hockt mer so gemietlich bei soim Rewesaft,..."



Awwer losse mer emol des philesophiere un dischbediere ....



bei uns in de Palz isses doch am schennschde ... hab isch net reschd?!

 

[palatino1]

Wenn du Pfalz weiterhin so groß schreibst, könnten dich die Pfälzer im Forum nach dem 10.000 post vielleicht zum Pfälzer ehrenhalber (h.c. humoris causa) ernennen.

 

[Guest]

Wenn du Pfalz weiterhin so groß schreibst, könnten dich die Pfälzer im Forum nach dem 10.000 post vielleicht zum Pfälzer ehrenhalber (h.c. humoris causa) ernennen.

Das wär natürlich noch was...dann schmeiss ich meinen alten Personalausweis weg, und hol mir den neuen mit dem Wappen von der Pfalz (ist identisch mit dem FCK Wappen).

 

[betzemaddin]

isch ded jo sa das es nix besseres als e rischdich großer saumah gebbt!!!



do kennt ich mich nei lehe...

 

[schnokes]

Wenn du Pfalz weiterhin so groß schreibst, könnten dich die Pfälzer im Forum nach dem 10.000 Prost vielleicht zum Pfälzer ehrenhalber (h.c. humoris causa) ernennen.